सामाजिक सञ्जालका आईडी ह्याक गरी आफन्तको नाममा दुःख परेको बहाना बनाएर रकम माग्ने घटना बढेपछि प्रहरीले सतर्क रहन आग्रह गरेको छ ।
फेसबुक, ह्वाट्सएप लगायतका अकाउन्ट ह्याक गरी आर्थिक सहयोग माग्ने, चिठ्ठा परेको भन्दै राजस्व तिर्न लगाउने, सस्तो सामान देखाएर अग्रिम भुक्तानी माग्ने जस्ता ठगी तीव्र भएको प्रहरीले जनाएको छ ।
अपरिचित नम्बरबाट आउने भिडियो कल र लिङ्क नखोल्न, ओटीपी कोड नदिन, स्क्रिन–शेयर नगर्न, व्यक्तिगत जानकारी सामाजिक सञ्जालमा नराख्न र पासवर्ड कसैलाई नदिन प्रहरीको सुझाव छ ।
अनलाइन किनमेलमा अधिकृत बिक्रेता पुष्टि गर्न र क्यास–अन–डेलिभरी विकल्प प्रयोग गर्न प्रहरीले विशेष आग्रह गरेको छ । सबै प्रयोगकर्तालाई सामाजिक सञ्जाल र अनलाइन कारोबारमा सचेत र सावधान रहन प्रहरीले अनुरोध गरेको छ
।