विराटनगर । झापाको शिवसताक्षी नगरपालिका–७ का ७९ वर्षीय राधाकृष्ण सोडारीको शव आज आइतबार कन्काई नहरमा फेला परेको छ ।
आज बिहान ९ बजेर २५ तिर उहाँको शव शिवसताक्षी–७ र ११ बीचको कनकाई नहरमा फेला परेको झापा प्रहरीले जानकारी दिएको छ ।
प्रहरीका अनुसार मृतक सोडारी घरबाट चोकतिर जान्छु भनेर निस्कनु भएको थियो । नहरमा बिहान ८ बजेर ५० मिनेट तीर हामफालेको प्रारम्भिक अनुसन्धानबाट खुलेको छ ।
उहाँले नहरमा हामफाल्नुको कारण पत्ता लागेको छैन । घटनाको थप अनुसन्धान भइरहेको प्रहरीले जनाएको छ ।