सङ्घीय संसद्मा देखिएको गतिरोध अन्त्यका लागि सत्तारुढ दल राष्ट्रिय स्वतन्त्र पार्टीका सभापति रवि लामिछानेले विपक्षी दलका नेताहरूसँग छलफल गरिरहेका छन् ।
सिंहदरबारस्थित संसद् भवनमा सभापति लामिछानेले प्रमुख प्रतिपक्षी दल नेपाली कांग्रेसका संसदीय दलका नेता भीष्मराज आङ्देम्बे, नेपाली माओवादीका नेता वर्षमान पुन, राष्ट्रिय प्रजातन्त्र पार्टीकी प्रमुख सचेतक खुश्वु ओलीसहितका नेताहरूसँग छलफल गरिरहेका हुन् ।
विपक्षी दलहरूको सिंहदरबारस्थित कांग्रेस संसदीय दलमा बैठक बसिरहेका बेलामा लामिछानेले छलफलका लागि बोलाएका थिए ।
प्रधानमन्त्री बालेन्द्र शाहले प्रतिनिधि सभा बैठकमा नेपालले भारतको सीमा मिचेको अभिव्यक्ति दिएपछि विपक्षीहरूले सदन अवरुद्ध गर्दै आएका छन् ।
यसैक्रममा राष्ट्रिय स्वतन्त्र पार्टी (रास्वपा) का सभापति रवि लामिछानेले नरेन्द्र मोदीले लगातार निर्वाचित भारतीय प्रधानमन्त्रीको कीर्तिमान बनाएको भन्दै बधाई दिएका छन्। उहाले आर्थिक सहयोग र साझा विकासमा केन्द्रित पारस्परिक हितका क्षेत्रमा मिलेर काम गर्न इच्छुक रहेको कुरा पुनः देहोर्याएका छन्। मे २६, २०१४ मा पहिलोपटक प्रधानमन्त्रीको रूपमा शपथ लिएका मोदीले आज बुधबार चार हजार ३९९ औँ दिनको निरन्तर कार्यकाल पूरा गर्दै यो कीर्तिमान बनाएका हुन्।
भारतको इतिहासमा सबैभन्दा लामो समयसम्म लगातार निर्वाचित प्रधानमन्त्रीका रूपमा सेवा गर्ने कीर्तिमान कायम गरेको भन्दै लामिछानेले सामाजिक सञ्जाल एक्समार्फत बधाई दिएका हुन्।