प्रधानमन्त्री बालेन शाह मन्त्रीहरूसँगको आन्तरिक छलफलमा जुटेका छन्। शुक्रबार प्रधानमन्त्रीमा नियुक्त भएका शाहले आज ९आइतबार० प्रधानमन्त्री तथा मन्त्रिपरिषद्को कार्यालयमा मन्त्रीहरूसँग परामर्श गरिरहेका हुन्।
प्रधानमन्त्री कार्यालय स्रोतका अनुसार, सरकारका प्राथमिकता र आगामी कार्ययोजनाबारे मन्त्रीहरूसँग छलफल भइरहेको छ। शुक्रबार नै पदभार ग्रहण गरेलगत्तै बसेको पहिलो मन्त्रिपरिषद् बैठकले चारवटा महत्त्वपूर्ण निर्णयहरू गरेको थियो। ती निर्णयहरूको कार्यान्वयन र शासकीय सुधारका विषयमा प्रधानमन्त्रीले मन्त्रीहरूलाई निर्देशन दिने बुझिएको छ।
विशेषगरी सार्वजनिक सेवा प्रवाहलाई छिटो(छरितो बनाउने र सुशासन प्रवर्द्धन गर्ने बालेन सरकारको मुख्य एजेन्डा रहेको छ। मन्त्रीहरूसँगको यो छलफलपछि सरकारले केही नयाँ नीतिगत कदमहरू चाल्ने अपेक्षा गरिएको छ।