कैदीको आमरण अनसन १५ दिनका लागि स्थगित

फिदिम , पुस २८ । पाँचथर कारागारमा तीनदिनदेखि आमरण अनसन वसिरहेका तीनजना कैदी बन्दीले गएराती देखि आन्दोलन स्थगित गरेका छन । पत्रकार र मानव अधिकारकर्मीको रोहवरमा प्रमूख जिल्ला अधिकारी बाबुराम भट्टराई, सहित कारागार प्रमूख, सुरक्षा निकाय र कैदी बन्दीविच भएको बार्तामा कारागारका समस्या समाधानका लागि ५ सदस्यीय छानविन समिति गठन गरिएपछि उनिहरुको आन्दोलन स्थगित भएको हो । ५० प्रतिसत कैद भुक्तान गरिसक्दा रिहाईका लागि कारागार प्रमूख रेणुप्रसाद ओझाले सिफारिस नगरेको भन्दै पाँचथर जिल्ला कारागारमा कैद भुक्तान गरिरहेका सुनसरीका इटहरी १ का सुजन थापा मगरले शुरु गरेका थिए । उनको अनसनमा दुर्गा राई र जसवहादुर नेम्वाङले पनि ऐक्यवद्धता जनाउँदै अनसनमा वसेका थिए ।