मधेशीले माओवादीलाइ समर्थन गर्दैनन् ः ओली

काठमाण्डौ १९ भदौ । नेकपा एमालेका प्रभावशाली नेता खड्गप्रसाद ओलीले मधेशवादी दलका सभाषदले एकीकृत माओवादीको पक्षमा मतदान गर्ने अबस्था नभएको दावी गर्नुभएको छ । उहाँले सभाषद किनबेचकालागि माओवादीले सुरु गरेको खेलले लोकतन्त्रलाइ कमजोर बनाएको समेत टिप्पणी गर्नुभयो । भारतको राजधानी नयाँ दिल्लीवाट स्वदेश फर्कीनेक्रममा त्रिभुवन अन्तराट्रिय विमानस्थलमा संचारकर्मीहरुसंग कुरागर्दै नेता ओलीले मधेशवदी दलले माओवादीलाइ समर्थन गर्ने संभावना गुज्री सकेको बताउनु भएको हो । मधेशवादी दलहरुले माओवादीलाइ समर्थनको संभावनाबारे चर्चा चलिरहेको समयमा ओलीले माओवादी निशस्त्र नभएसम्म उसको नेतृत्वमा सरकार गठनको संभावना नभएको उल्लेख गर्नुभयो । उहाँले भोली हुने निर्वाचनवाट समेत प्रधानमन्त्री नचुनिए सातौ चरणको निर्वाचनमा एमाले तटस्थ नबस्ने जीकिर गर्नुभयो । उपचारका शिलसिलामा नयाँ दिल्ली जानु भएका ओलीले भारतमा रहदा केहि नेताहरुसंग भेटवार्ता गर्नुभएको थियो ।