बैकले चेक साटेन

संखुवासभा १९ भदौ । संखुवासभामा रहेको राष्ट्रिय वाणिज्य बैंकको चैनपुर शाखाले २० हजार
रुपैयाँ भन्दा बढीको चेक नसाटेपछि ग्राहकहरु मर्कामा परेका छन् ।  बाटोको समस्याले रकम  ल्याउन नसकेको भन्दै बैंकले ४ दिनदेखि पर्याप्त रकम नदिँदा ग्राहकहरु मर्कामा परेका हुन् । बैंकले एउटा खाताबाट २० हजार भन्दा बढी रकम नदिएपछि अन्तिम किस्ता लिई फरफारक गर्न लागेका विभिन्न योजनाका निर्माण उपभोक्ता समितीहरु बढी मारमा परेका छन् । मावादीन मोटरबाटो समितीको खाताबाट डेढ लाख रुपैयाँ झिक्न आउनु भएका कोषाध्यक्ष हर्ककुमार राईले रकम नपाएपछि समस्या भएको बताउनु भयो । बैंकले अझै केही दिन रकमको अभाव रहने जानकारी दिएको ग्राहकहरुले बताएका छन् ।