प्रधानमन्त्री नेपालद्वारा राजदुतहरु सँग परामर्श

काठमाण्डौ १८ भदौ । प्रधानमन्त्री माधव कुमार नेपालले अनमिनको म्याद थप तथा राष्ट्रसंघिय महासभामा नेपालको तर्फबाट दिइन लागेको उमेद्धवारप्रति समर्थन जुटाउन नेपाल स्थित बिभिन्न मुलुकका राजदुतहरु सँग आज पनि  परामर्श गर्दै हुनु हुन्छ । प्रधानमन्त्री नेपालले अमेरिका, जापान र बेलायतका राजदुतहरु सँग छुट्टाछुट्टै परामर्श गर्न लाग्नु भएको हो । अमेरिकी राजदुत सँग अहिले केहीबेर पछि हुने  छलफल सके पछि अन्य राजदुतहरु सँग छलफल गर्नु हुने बताइएको छ । कुटनितीक परामर्शलाई तिब्रता दिदै आउनु भएका प्रधानमन्त्री नेपालले केहिदिन अघि चिनका राजदुत र रसियन राजदुत सँग छलफल गर्नु भएको थियो । नेपालको शान्ति प्रक्रियामा खटिएको राष्ट्र सघिय राजनितीक मिसन अनमिनको छौटौ पटक थप गरिएको समय यहि भदौ ३० गते सकिदैछ ।