विश्व क्रिकेट लिग डिभिजन चारमा नेपालले अमेरीकाको सामना गर्दै

काठमाण्डौं , २९ साउन । ईटालीमा आजदेखी शुरु हुने विश्व क्रिकेट लिग डिभिजन चारको उद्घाटन खेलमा नेपालले आज अमेरिकासँग प्रतिस्पर्धा गर्दैछ । नेपालका लागि पारस खड्काको कप्तानीमा उपकप्तान ज्ञानेन्द्र मल्ल, शक्ति गौचन, शरद भेषावकर, महेश क्षेत्री, अनिलकुमार मण्डल, अमृत भट्टराई, वसन्त रेग्मी, विनोद दास, सञ्जम रेग्मी, राहुलकुमार विश्वकर्मा, मेहबुब आलम, मञ्जित श्रेष्ठ र प्रदीप ऐरी सो प्रतियोगितामा सहभागी छन् । नेपालले काठमाडौँमा सम्पन्न विश्व क्रिकेट लिग डिभिजन पाँचको विजेता बन्दै सो प्रतियोगितामा सहभागिता जनाउने अवसर प्राप्त गरेको थियो । डिभिजन पाँचमा आमनेसामने भइसकेको नेपाली टोलीले अमेरिकासँग एक खेलमा जित तथा एक खेलमा हार बेहोरेको थियो । प्रतियोगितामा नेपालले त्यसपछिका खेलमा क्रमशः आयोजक राष्ट्र इटाली, तान्जानिया, अल्जेरिया, क्यामन र आयरल्यान्डसँग प्रतिस्पर्धा गर्नेछ प्रतियोगितामा नेपाल विजेता वा उपविजेता बन्न सफल भए विश्व क्रिकेट लिग डिभिजन तीनमा प्रवेश पाउनेछ । प्रतियोगितामा पुछारमा रहने दुई राष्ट्र डिभिजन पाँचमा घट्नेछन् ।