भारतिय सहयोग स्विकार गर्ने पाकिस्तानको निर्णय

बिराटनगर ४ भदौ । पाकिस्तानले बाढी पिडितहरुका लागी भारतले पठाएको आर्थिक सहयोग स्विकार गर्ने निर्णय गरेको छ । न्युयोर्कमा यसबारेमा बिबिससंग कुराकानी गर्दै पाकिस्तानी बिदेशमन्त्रि शाह महसुद करेसीले भारतिय सरकारको सहायता रकम स्विकार गर्ने निर्णय गरेको जानकारी दिनुभयो । यसअघि हिजो भारतिय प्रधानमन्त्रि मनमोहन सिंहले पाकिस्तानी प्रधानमन्त्रि युसुफ रजा गिलानीसंग टेलिफोनमा कुरा गर्दै आर्थिक सहयोग स्विकार गर्न आग्रह गर्नुभएको थियो । करिब एक हप्ताअघि भारतले पाकिस्तानका बाढी पिडितहरुलाई ५० लाख अमेरिकी डलर सहयोग गर्ने बताएपनि पाकिस्तानले सहयोग रकम स्विकार गर्ने बिषयमा बिचार गर्नुपर्ने जवाफ फर्काएको थियो । उता अमेरिकाले भारतको सहयोग दिने र पाकिस्तानले स्विकार गर्ने निर्णयको स्वागत गरेको छ ।