नेपालले आज कायमन दिप सँग प्रतिस्पर्धा गर्दै

आईसिसि विश्व क्रिकेट लिग डिभिजन फोरमा नेपालले आज कायमन दिप सँग प्रतिस्पर्धा गर्दैछ । खेल नेपाली समयअनुसार दिउँसो सवा २ बजे पछि सुरु हुनेछ । आजको खेलमा कायमन द्धिपलाई भारी अन्तरले पराजित गरेपनि नेपाल सिधै डिभिजन थ्रि मा पुग्ने छैन । लिगमै कमजोर टिम अर्जेन्टिनाले अमेरिकालाई फराकिलो अन्तरले पराजित गरेमा नेट रन रेटका आधारमा डिभिजन थ्रिमा पुग्ने नेपालको केहि आशा रहन्छ तर यो संभावना निकै नै कम छ । त्यसका लागि कुनै नाटकिय परिवर्तन जरुरी रहन्छ । यदि नेपाल कायमन द्धिप सँग पराजित भएमा रेलिगेसनमा पर्दै फेरि डिभिजन फाईभमा झर्नेछ । त्यसैले डिभिजन फोरमै कायम रहनका लागि आजको खेल नेपाललाई अनिवार्य जित्नु पर्ने आवश्यकता देखिएको छ । यसअघि हिजो नेपाल अमेरिका सँग ५५ रनले पराजित हुँदै अंक तालिकाको दोश्रो स्थानबाट चौंथो स्थानमा झरेको छ ।